中環中建大廈名醫雲集，係有名嘅「醫生樓」，不過遲啲可能大執位，事關對面街娛樂行近期有樓面租咗畀醫生，日後可能更多名醫進註。
賭王四太05年以27億買起娛樂行，據講之前冇醫生租客，近月開始受醫生洽租，率先掛牌嘅係兒科名醫周笑顏。周醫學生之前所喺中建8樓，樂壇天后Kelly第日帶蝦餃仔搵周生時，就要去娛樂行18樓嘞。
有後門方便名人客仔
周醫生鄰居係喺威院出嚟私人執業嘅兩個耳鼻喉專科醫生蘇明順醫生, Gordon Soo 同黃德彰醫生, Frederick Wong ，兩個人拍擋開咗間耳鼻喉面部外科中心, ENTIFIC。診所本來位於太子大廈嘅血液及血液腫瘤科醫生陳雲斌，據八方所知亦睇中娛樂行，傾得成嘅話，診所稍後亦會搬到娛樂行。
名醫大執位，其中一個原因係娛樂行樓底較高，如果診所要裝置醫療儀器，亦比較方便。有睇過盤嘅醫生話，娛樂行仲有一個好處，就係勝在有後門，對病人嚟講可以確保私隱，名人幫襯至安心。
參考資料: www.appledaily.com
以上所提供的資訊僅作為教育及參考用途，如果你有任何醫療問題，應向自己的耳鼻喉專科醫生查詢，而不應單倚賴以上提供的資料。
