半小時也止不到血
六十三歲的樂先生，跟阿勇一樣，有過一段非比尋常的流鼻血經歷。他憶述︰「我記得前年十月開始，有時擤鼻涕都會見到少少血，但咁啱嗰排天氣轉涼，我以為係乾燥，又以為係自己熱氣，所以無理佢。」
直至十二月尾某個晚上，樂先生吃過晚飯後，右邊鼻孔突然湧出血來，他才知驚，「當時情況就好似閂唔到水喉咁，好多鮮血不斷喺右邊鼻窿流出來，我手上一條長長嘅洗臉巾全條都染滿血，而且用咗超過三十分鐘都止唔到，最終要去急症室。」
血如泉湧因生瘤
中大耳鼻喉科學系名譽臨床副教授李立言稱，單側流鼻血絕對不能小覷，分分鐘是生腫瘤的徵兆，「一般人流鼻血，可能兩邊鼻窿都會流，但如果鼻腔有腫瘤，好多時就只會單一邊鼻窿流血，或者伴隨單一邊鼻塞。」
急症室醫生替樂先生止血後，再安排他一個月後做電腦掃描檢查，「電腦掃描發現我右邊鼻孔內果然有個腫瘤，當時我第一時間就聯想到自己可能生鼻咽癌，好彩抽組織化驗後，證實係屬於良性嘅血管瘤。」
李立言醫生補充，樂先生長出的，其實是相對少見的「血管外皮細胞瘤」，「血管外皮細胞瘤係血管外壁細胞有唔正常嘅新陳代謝，導致血管增生。由於增生出來嘅唔係正常、健全嘅血管，所以如果有破損，就唔識自動凝血、修復，結果就會好似開水喉咁不停流血。」
鼻血嗆喉可致命
他提醒，如果流鼻血時的血量很多，甚至口鼻同時滲血的話，便應該盡快求醫，「如果鼻有腫瘤，尤其係呢種血管外皮細胞瘤，血流量會特別多，萬一長時間止唔到血，一來可導致貧血，二來若血液倒流入氣管，可導致呼吸困難，嚴重起來會有生命危險。」
樂先生的血管瘤直徑約三厘米，本來不算太大，但仍有做手術的必要。李立言醫生解釋︰「呢種瘤，其實係介乎良性與惡性腫瘤，佢唔會變癌，但佢嘅細胞亦有機會演變成具侵蝕能力，可以侵蝕附近嘅骨及組織，包括眼睛、腦部、臉部組織，所以一定要做手術切除。」去年六月，樂先生以微創方式切除了鼻腔內的血管瘤，術後留院兩晚，至今也再無流過鼻血。
參考資料: http://health.next.hk/treatment/
以上所提供的資訊僅作為教育及參考用途，如果你有任何醫療問題，
應向自己的耳鼻喉專科醫生查詢，而不應單倚賴以上提供的資料。
六十三歲的樂先生，跟阿勇一樣，有過一段非比尋常的流鼻血經歷。他憶述︰「我記得前年十月開始，有時擤鼻涕都會見到少少血，但咁啱嗰排天氣轉涼，我以為係乾燥，又以為係自己熱氣，所以無理佢。」
直至十二月尾某個晚上，樂先生吃過晚飯後，右邊鼻孔突然湧出血來，他才知驚，「當時情況就好似閂唔到水喉咁，好多鮮血不斷喺右邊鼻窿流出來，我手上一條長長嘅洗臉巾全條都染滿血，而且用咗超過三十分鐘都止唔到，最終要去急症室。」
血如泉湧因生瘤
中大耳鼻喉科學系名譽臨床副教授李立言稱，單側流鼻血絕對不能小覷，分分鐘是生腫瘤的徵兆，「一般人流鼻血，可能兩邊鼻窿都會流，但如果鼻腔有腫瘤，好多時就只會單一邊鼻窿流血，或者伴隨單一邊鼻塞。」
急症室醫生替樂先生止血後，再安排他一個月後做電腦掃描檢查，「電腦掃描發現我右邊鼻孔內果然有個腫瘤，當時我第一時間就聯想到自己可能生鼻咽癌，好彩抽組織化驗後，證實係屬於良性嘅血管瘤。」
李立言醫生補充，樂先生長出的，其實是相對少見的「血管外皮細胞瘤」，「血管外皮細胞瘤係血管外壁細胞有唔正常嘅新陳代謝，導致血管增生。由於增生出來嘅唔係正常、健全嘅血管，所以如果有破損，就唔識自動凝血、修復，結果就會好似開水喉咁不停流血。」
鼻血嗆喉可致命
他提醒，如果流鼻血時的血量很多，甚至口鼻同時滲血的話，便應該盡快求醫，「如果鼻有腫瘤，尤其係呢種血管外皮細胞瘤，血流量會特別多，萬一長時間止唔到血，一來可導致貧血，二來若血液倒流入氣管，可導致呼吸困難，嚴重起來會有生命危險。」
樂先生的血管瘤直徑約三厘米，本來不算太大，但仍有做手術的必要。李立言醫生解釋︰「呢種瘤，其實係介乎良性與惡性腫瘤，佢唔會變癌，但佢嘅細胞亦有機會演變成具侵蝕能力，可以侵蝕附近嘅骨及組織，包括眼睛、腦部、臉部組織，所以一定要做手術切除。」去年六月，樂先生以微創方式切除了鼻腔內的血管瘤，術後留院兩晚，至今也再無流過鼻血。
參考資料: http://health.next.hk/treatment/
以上所提供的資訊僅作為教育及參考用途，如果你有任何醫療問題，
應向自己的耳鼻喉專科醫生查詢，而不應單倚賴以上提供的資料。
